畫食譜期間真係好忙

除咗畫, 仲要煮出嚟自己影相



响趕稿入面的5個月

樹熊生已習慣咗我煮好哂, 仲要放靚靚搞起碼半個鐘影好哂靚相先食得


好多時影完仲要番熱番先食得




過程中我影好多唔同角度俾編輯揀咖

揀完之後, 冇用嗰D相好多我都覺得影得算OK

想同大家分享下呢!




除咗下面依個雞卷之外

其他菜式所有'食譜都會記响書入面



各位有興趣就買來看看囉!



80道美食, 大多都係簡單嘅菜式

另外有兩個CHAPTER會做正式一D嘅晚餐




聽日就開始書展喇

亦係我兩本書公開發售嘅大日子

聽日我都要改名了= O =

今日心情好複雜....


晚上收到編輯MAIL來的書展SET場情況

愈來愈覺得自己唔可以親身到現場好可惜呢~~





嚟梗星期六家裡會搞BOOK LAUNCH PARTY




依個weekend忙到癲

Sunday 樹熊公一早就陪我買嘢, 接近黃昏時佢好好

自己話要修剪草叢

其實我覺得佢好攰驚開始天黑危險話佢知唔一定要剪草

(因為party 係夜晚都睇唔到d草幾長啦!)

但完美主義又愛家嘅樹熊公都係堅持

响一個話自己唔攰嘅男人前, 女人都係唔應該講太多

結果, 就出事了.... ~~> __ <~~

樹熊公唔小心腳一滑撞咗落尖角處, 整傷咗腳流哂血~~>__<~~傷口仲幾深

當晚立即睇醫生, 醫生話可以縫一針或者用可令傷口癒合得特製繃帶

之後樹熊生請咗兩日病假

我就全日响屋企照顧佢啦~~

見佢行兩步都痛到死的表情真係心痛死了~~

所以...就冇時間畫漫畫了....~~> __ <~~

希望佢快D好番啦~~嗚嗚

不過佢整親嗰晚有D嘢好搞笑


我會記低, 遲下佢好番我就畫出來~~嘻嘻! ^V^

各位晚安

PS: 會去書展的朋友, 如果方便就替我兩本書影D相吖~~

TAG上我Facebook啊~~謝謝~~ 好想感受下現場氣氛呢!
^__^



創作者介紹

Molly日記

mollysiu 發表在 痞客邦 PIXNET 留言(0) 人氣()