醜婦終需見家翁

再醜的BLOG都係要用一用 = 0 = ;

好久沒寫BLOG

除了因為近兩個月都好忙之外

就是版面真的沒YAHOO BLOG 好

像我如此講心情做事的人

看著這樣的版面真係唔知講乜好=0=

可能FB還好一點

ANYWAY, 今日唔知點解忽然浮起某個大人物問我的一句:"你係咪自細就好鍾意引人注意咖喇?"

那是差不多十年前的事

那刻其實有很多話想說

但如果說那麼多不是更引人注意了麼

今日忽然諗起

就在這說痛快好了

另外也是很久很久以前應承過BLOG友 晴天joe 要寫的-- 如何提升正能量/如何更容易認識新朋友 --的題目

事隔了4, 5 個月

其實我沒有忘記

一直都很想分享一下的經驗

======================================================

這十幾年才認識我的朋友都會以為我是天生很開心又容易交朋友的人

其實....I have to confess

這個不是天生的性格

完全是後天改變而成的....

 

而且是經過心思熟慮下才去改變出來的一個人格.....

所以以我的經驗嘛

是怎樣的人都有可能變開朗

變很充滿正能量

變很很外向很容易認識新朋友的

...................................................

小學時的我是十分自閉內向

那時我很喜歡讀文字書,

覺得大人都很現實又虛偽, 又以為小孩子不知道

而小學同學都很白痴只知道在課堂上鬥高分, 小息玩白痴遊戲

那時的我討厭和別人交往, 一來不知道如何應付簡單的對答(是怕醜吧)

二來覺得沒有必要(因為看書來很有趣很多)

我猜大概是超自大+超自卑的心理形成吧

到上中學前一年, 我忽然醒覺在這個社會沒有朋友是很大機會導致人生完全的失敗之後

便決心要改變自己

第一件事是學懂時時向別人微笑

於是很白痴的真的每天早上和睡覺前, 我都會在鏡前練習自然而友善的微笑

然後每天都保持著微笑

OK, 這是第一步, 然後我發現開始多了朋友和我說話

(***到初中時仲有同學笑我點解成日笑, 你係咪賣笑ga?!***)

第二件事就是話題

交際力不好的人通常最大的困難就是沒法和朋友/陌生人製造話題

然後我就想, 什麼話題會是人人通用的呢? 除非你的興趣很廣泛, 如果只顧說自己的興趣, 那起碼有4份3的人不會喜歡聽

那我就開始觀察, 每個人都喜歡的話題是什麼

然後我發現, 大部分人都是十分自我的生物

只要說和那個人本身有關的東西, 他/她一定喜歡聽

於是我便讀了很多心理測驗和有關星座的書

牢牢記住每個星座的月份

遇到新朋友就問他是什麼時候生日的

現後就說典型的星座性格, 準或不準都一定能帶起新朋友的反應

初中時女同學都很喜歡聽這個

第三就是要學習講笑話

初中時我晚晚也聽軟硬的電台節目

其實主要就是想容易一點引朋友/同學發笑

因為大家都只喜歡開心果

(改變之前我是超給苦瓜乾來的, 其實現在內心也是一樣, 看什麼都先看到NEGATIVE的一面, 不過經過多年練習, 現在總算可以從負面一面看出一點點正面....

例如早前眼睛有毛病了, 3-4個月都很痛, 還花了不少醫葯費, 過程中又不能畫漫畫.上網, 但我會強迫自己想: 起碼唔係盲咗, 低處都真係未算低.....)

總知就係學識幽默, 幽自己一默係最好的做法

攞別人開玩笑可能會趕走朋友的~

第四比較難, 不過當慢慢找到了真心待你好的朋友, 慢慢便會學懂了

就是凡事從別人角度看, 往好的一面看, 從心裡的真誠的不挑剔指責別人, 多欣賞和讚美別人

老實講

出來工作行走江湖多年, 第四點真係好容易會被纖滅

因為負能量的人太多

喜歡講人是非壞話的人也很多

每天聽著好易被洗腦

其實世界係點

真係在乎你自己點睇

你覺得全世界嘅人都唔好

最唔開心嘅其實就係自己

所以學識換個角度看事物

最大得益的係自己

好啦~~講完喇~~~

我搵唔番晴天joe joe嘅link

希望佢有機會睇到啦~~~

++++++++++++++++++++++++++++++++++

PS: 唔記得咗

有關嗰個大人(物)對我的提問:"你係咪自細就好鍾意引人注意咖喇?"

我好想好想回應:

因為你係含住金鎖匙出世嘅人

要風得風

要雨得雨

你係唔會明白我依D小人物, 就算係點消極+內外

為咗可以响依個世界混一啖飯吃

就得要DANCING MONKEY一樣

扮得自己好樂觀好開心好鍾意同大家一齊, 成為朋友的中心點

响你眼中, 依個係ATTENTION DRAWING嘅性格

其實內裡, 係不得不戴上的面具且經過十年溶入了自身性格的基本生存工具

如果我都係天生要風得風要雨得雨

我諗到今日我都係淨係會自己柄埋一二角,睇書畫畫嘅獨家村所謂藝術家

當然我相信那位人物係冇惡意的

只係佢問嘅一刻我相當妒忌

妒忌有D人有條件可以一世都做自己

忽然, 覺得自己都幾可悲

不過自我安慰一下唔係當年的改變我唔會有今日識到咁多真心嘅好好好好好朋友

======================================================

感性完....繼續閉關

XOXOXO

 

創作者介紹

Molly日記

mollysiu 發表在 痞客邦 PIXNET 留言(7) 人氣()


留言列表 (7)

發表留言
  • 沒有叮噹
  • 我都覺得找不到和yb差唔多質素的平台,也影响么寫blog的心情,唯用用住先啦,或者用用下有感情,最初yb咪一樣好多人彈,但摺埋後,才發現他是最好的.
  • 煤鬼
  • 我是消極又外向的人= =+(咦
    特喜發放負能量=WWW=(簡單而言就是憤青
    我倒沒特意營造優點…
    不過倒會改善缺點((以很慢…的進度
  • 亞U
  • 我現在都還是很自閉和內向...
  • 但其實可以改的, 當時的頓悟是...可以這樣活一世, 但改變自己似乎會比較容易生存, 所以好似吹眠自己咁, 令自己變成外向的人......

    mollysiu 於 2013/10/29 20:38 回覆

  • 大蛋
  • 我同MOLLY差唔多
    都係以前摺摺地 上到中學做好多野改變自己尼識多D朋友
    但我多多一個階段 就係打回原形變番摺摺地XD
    因為逼自己變好攰 做番自己最舒服>V<
  • 羽靈與芳魂
  • 看上去有點像fb的發洩文((噗噗, 不好意思XP
    我都係差唔多啦~~~
    對任何人都要笑, 看上去很搞笑((但其實都係做埋d低能野引人笑
    朋友成日都問我, 點解你咁high?
    我真係好想答: 唔通你想我苦口苦臉對住你?
    有時係好攰, 不過我都係苦中作樂((;=v=)
    by芳魂
  • CircleG
  • @@睇完了, Highwaystar說得很好>3<...
    咁大堆字海..xDDDD我竟然睇晒xDDDD
    "經過心思熟慮下才去改變出來的一個人格....." 0////0說得很好,,
    而且030Highwaystar真的坦白說出來耶~0////0b(服

    我都好掛住晴天JoeJoe...Q..Q唔知距去咗邊呢...

    有一日.. 距睇得返呢篇野..都幾好Q.Q
  • 小禺
  • 小禺一直很內向,細個和你有幾分似,就是很看不起人(只幾歲大,連回應也不懂得時),心中卻是這樣輕視)對人也是極之不信任。
    一直沒頓悟去改變,因為沒朋友,也有姐弟啊(他們是逃不掉的了)所以到中學依然好靜,無朋友的,十足怪人。
    真正改變是信主後,才有膽量,放心地與人相處,因為有神使我很安心,不怕人了。
找更多相關文章與討論